Zbulohen datat për ngjarjen e CS:GO në Brazil

ESL ka zbuluar datat e kualifikuesve për turneun IEM Brazil 2023 që do të shpërndaj çmime në vlerë prej 250.000 dollarësh.

Turneu do të zhvillohet midis 17-23 prillit dhe do të shohë 16 skuadra të garojnë në Amerikën e Jugut për grupin e çmimeve prej 250.000 dollarësh si dhe pikë për Intel Grand Slam.

Organizatori i turneut ka njoftuar gjithashtu datat për kualifikimet e hapura dhe të mbyllura, të cilat do të lejojnë pesë ekipe nga katër rajone të ndryshme (Evropa, Amerika e Veriut, Amerika e Jugut dhe Azia) të arrijnë në ngjarje, ndërsa 11 skuadrat e mbetura do të ftohen drejtpërdrejt nga ESL.

IEM Brazil do të fillojë dy javë pas përfundimit të Sezonit 17 të ESL Pro League në Maltë dhe do të përfundojë dy javë përpara turneut BLAST.tv Paris Major.

Turnetë kualifikues do të zhvillohen në platformën ESEA midis 21 janarit dhe 16 shkurtit në katër rajone të ndryshme.

Pesë skuadrat më të mira do të sigurojnë pjesëmarrjen për në Brazil, dy prej tyre nga rajoni Evropës, një nga Amerika e Veriut dhe një nga Amerika e Jugut dhe Azisë. /Telegrafi/