Zbulimi i ri tregon ‘mosfunksionimin’ në trup që është i pranishëm një vit pas infektimit me COVID-19

Ndërsa numri i personave që kanë simptoma afatgjata të COVID-19 vazhdon të rritet, shkencëtarët dhe mjekët po punojnë për të kuptuar pse po ndodh kjo.

Krahas kësaj, ata po përmbledhin më në thellësi simptomat që pacientët po përjetojnë.

Disa nga këto simptoma, thonë studiuesit nga Universiteti i Milanos, shkaktohen nga infeksionet e gjata të gjëndrës tiroide.

Gjëndra tiroide ndodhet në qafë dhe është përgjegjëse për prodhimin e hormoneve të nevojshme për funksionimin e duhur të trupit.

Lexo po ashtu Ushqimi më i dëmshëm për gjëndrën tiroide

Sipas studiuesve italianë, virusi COVID-19 mund të ndikojë në funksionimin e këtyre gjëndrave deri në një vit pas infeksionit fillestar, pas raportimeve nga pacientët që përjetojnë “mosfunksionim të tiroides”.

Illaria Muller i Universitetit të Milanos tha: “Ekziston një lidhje e qartë midis mosfunksionimit të tiroides dhe sëmundjes COVID-19”.

Lexo po ashtu Sasia e nevojshme e jodit për shëndetin e gjëndrës tiroide dhe ushqimet ku mund ta gjeni

Hormonet që gjëndra tiroide lëshon në trup janë thelbësore për rritjen, metabolizmin dhe zhvillimin e trupit. Për më tepër, gjëndra do të lëshojë hormone shtesë kur trupi ka nevojë për një rritje të energjisë, si për shembull gjatë shtatzënisë.

Në një studim të pacientëve me coronavirus, tiroiditi ishte një dukuri e shpeshtë. Tiroiditi ndodh kur gjëndra tiroide inflamohet. Në varësi të formës së gjendjes, ajo mund të trajtohet me antibiotikë.

Ndërkohë, fokusi vazhdon jo vetëm tek ajo që e shkakton simptomat afatgjata të COVID-19, por edhe se si mund të trajtohet. /Telegrafi/