Ylli Thandie Newton ndahet nga bashkëshorti pas 24 vitesh martesë, gjersa i kërkohet të shkojë në këshillim

Aktorja Thandiwe Newton është ndarë nga bashkëshorti i saj prej 24 vitesh dhe i është kërkuar të kërkojë këshillim.

Ylli, 49 vjeç, la në mënyrë dramatike rolin e saj në filmin e tretë “Magic Mike” dhe besohet se po lufton me gjendje të rënduar psikike mes ndarjes nga Ol Parker, 52 vjeç, me të cilin ka tre fëmijë.

Ajo fluturoi nga Londra në ShBA javën e kaluar dhe ekipi i saj shpreson të marrë mbështetjen e saj mes frikës se ajo është në “një moment të keq”, shkruan The Sun.

Thandiwe “e stresuar” thuhet gjithashtu se ka shkarkuar nga puna agjentin e saj në Mbretërinë e Bashkuar pas tri dekadash bashkëpunimi.

Javën e kaluar, tabloidi britanik The Sun tregoi se si ajo ishte përfshirë në një sherr në xhirimet e “Magic Mike’s Last Dance” me aktorin Channing Tatum.

Lexo po ashtu Tridhjetegjashtë të famshmit që kanë ngjashmëri "të frikshme" mes vete

Ajo u zëvendësua në rolin e paspecifikuar nga 55-vjeçarja Salma Hayek.

Warner Bros tha më vonë se ajo “kishte marrë vendimin e vështirë për t’u larguar nga produksioni për t’u marrë me çështjet familjare”.

Një burim i tha PageSix në ShBA: “Thandiwe kishte vepruar çuditshëm në xhirime, ajo ishte shumë e tensionuar”.

Ata shtuan se sjellja e saj “shkaktoi aq shumë përçarje, sa u bë e qartë se ajo nuk mund të luante rolin. Në jetën e saj personale po ndodhin shumë gjëra”.

“Ajo dhe burri i saj janë ndarë. Ajo dukej aq e stresuar, saqë solli edhe dy lepujt e saj të përkëdhelur në hotelin e saj për mbështetje emocionale”.

“Ajo shkarkoi agjentin e saj në Mbretërinë e Bashkuar prej tri dekadash dhe më pas agjenti i saj amerikan Gaby Morgerman fluturoi nga Los Angeles-i për t’i qetësuar gjërat”.

Thandiwe u martua me Olin, më i njohur për regjinë e filmit “Mamma Mia” të vitit 2018!

Ata kanë vajzat: Ripley, 21 vjeçe, dhe Nico, 17 vjeçe, dhe djalin Booker Jombe, tetë vjeçe.

Çifti nuk janë parë së bashku në publik që nga pushimet në Ibiza në mesin e vitit 2020.

Përfaqësuesit e Thandiwet nuk u përgjigjën kur iu kërkuan komente nga mediat.

Duke folur në vitin 2008 për sekretin e një martese të mirë, ajo tha në një intervistë: “Duhet të gjeni gjithmonë kohë për të qenë bashkë, duke i besuar instinkteve tuaja dhe duke e detyruar njëri-tjetrin të flasin. Gjithçka ka të bëjë me komunikimin dhe punën në kohë të vështira së bashku”.

Ylli i “Mission: Impossible 2” dhe “Line of Duty” u emërua nga OBE në Nderimet e Vitit të Ri 2019 për shërbimet në film dhe bamirësi.

Vitin e kaluar ajo tha se po korrigjonte emrin e saj profesional që të ishte Thandiwe, e njohur si Thandie për 30 vjet për shkak të një gabimi drejtshkrimor në filmin e saj të parë. /Telegrafi/