Xhaferi: OBRM-PDUKM-ja dhe LSDM-ja pranuan që kryeparlamentari të jetë shqiptar (Video)

Me seancën konstitutive që do të mbahet të hënën, pritet që të zgjidhet edhe kryeparlamentari i ri. E për këtë Talat Xhaferi i BDI-së mbrëmë në emisionin ClickPlus tha ai do të jetë shqiptarë pasi paraprakisht të dy partitë OBRM-PDUKM dhe LSDM gjatë negociatave kanë pranuar që kryeparlamentari do të jetë shqiptar, përcjell Telegrafi Maqedoni.

“Unë besoj së paku me të gjitha ato deklarimet publike që janë bërë edhe nga LSDM edhe OBRM-PDUKM, ka pas pajtim të përgjithshëm që kushdo që të jetë pretendent për qeverisje të ardhshme me një gjë janë pajtuar që bartës i funksionit në parlament të jetë shqiptar”, tha Xhaferi.

Ndërsa analisiti Ramadan Ramadani shprehu dyshime se BDI-ja ka një marrëveshje me OBRM-PDUKM-në për ta zvarritur procesin e formimit të qeverisë.

“Mos ndoshta BDI me këtë punë, me ndihmimin e zvarritjes edhe mos shtytjen e shpejtimit e proceseve, ndoshta dëshiron që në një farë mënyrë të formojë një qeveri të përbashkët atë që edhe dje e tha OBRM-PDUKM-ja”, tha Ramadani./Telegrafi/