Xavi nuk është i bindur që ta lirojë Pjanicin, trajneri do ta ‘testojë’ në SHBA

Miralem Pjanic, ka befasuar pozitivisht trajnerin e Barcelonës, Xavin dhe ekziston mundësia që ai të qëndrojë në Camp Nou edhe pas përfundimit të afatit kalimtar të verës.

Pjanic, i kthyer nga huazimi nga Besiktasi, ishte në kërkim të një klubi të ri dhe dukej se Barcelona do të kërkonte një klub të ri me të gjitha forcat për boshnjakun. Por duket se shumë gjëra kanë ndryshuar në vetëm dy javë.

Siç raporton Mundo Deportivo, Pjanic është një nga surprizat më pozitive në dy javët e para të stërvitjeve të Barcelonës.

🙄 Pjanic ha sorprendido gratamente a los técnicos y aunque sigue en el mercado, si se queda puede ser útil al equipohttps://t.co/WiQATAC9RN

— Mundo Deportivo (@mundodeportivo) July 14, 2022

Mesfushori luajti dje në një miqësore kundër Olot në pjesën e parë dhe do të udhëtojë bashkë me ekipin në turneun e Shteteve të Bashkuara të Amerikës.

Ai do të shikohet nga afër kur të luajë në ndeshjet parasezonale.

Mediat spanjolle theksojnë se Pjanic është ende në listën e transferimeve nëse vjen një ofertë interesante, por se për momentin shikohet ndryshe, pasi mund të luajë dhe të ketë rastin nëse qëndron në klub, më shumë edhe nëse largohet Frenikie De Jong.

Trajnerët e Barcelonës besojnë se për shkak të përvojës dhe talentit të tij, Pjanic është një futbollist që mund të luajë mirë në situatat kur Sergio Busquets nuk është në fushë.

Gjithashtu, ekipi i trajnerëve të Barcelonës është i kënaqur me punën e Pjanicit në stërvitje. /Telegrafi/