“Xabi Alonso, trajner i ardhshëm i Liverpoolit”

Xabi Alonso është duke u parë si menaxher i ardhshëm i Liverpoolit, në rast largimi ose shkarkimi të trajnerit gjerman, Jurgen Klopp.

Mesfushori spanjoll është pensionuar nga futbolli i luajtur në fund të sezonit 2016/17, për të vazhduar rrugën e tij në botën e futbollit, por në zejen e trajnerit.

Lexo po ashtu Imazhe emocionuese të lamtumirës së Xabi Alonsos (Video)

Kështu, sipas ekspertit spanjoll të futbollit, Guillem Balague, transferimi i Alonsos në Bayern Munchen ishte e motivuar nga mundësia për të mësuar nga Pep Guardiola, pasi spanjolli e dinte se do bëhet trajner.

“Ai donte të luante nën urdhrat e Pep, sepse ai tashmë po mendonte për punën e trajnerit”, ka thënë fillimisht eksperti i La Ligas, Balague për Sky Sports Q & A.

“Unë mund ta shoh atë në Liverpool, ndoshta me Gerrard dhe Carra pranë tij?”.

“Ai është i hapur ndaj stileve të lojës, që do të thotë se ai nuk është njeri që i përmbahet vetëm një filozofie”.

Lexo po ashtu Alonso refuzon ofertën e Bayernit për tu bërë ndihmës trajner

“Nga mënyra që ai luajti, ju mund të shihni se ai dëshiron të dominojë ndeshjet, dhe për të bërë këtë ju duhet të keni topin, ta rikuperoni atë herët, të jeni shumë fizik dhe i shpejtë. Por a do të ketë lojtarët?”

“Kam përshtypjen se do të fillojë me një ekip të mirë, jo shumë të ulët, por unë nuk i kam folur për atë ende. Nuk mund të presim ta shohim atë në stol”, përfundoi Balague. /Telegrafi/