The Washington Post shkruan prishjen e Teatrit: Protestuesit përleshen me policinë, opozita bën thirrje për rrëzimin e qeverisë

Policia u përplas me mbështetësit e opozitës, të cilët ishin duke protestuar kundër prishjes së Teatrit Kombëtar në Tiranë

Siç shkruan The Washington Post, përcjell Telegrafi, polica largoi nga ndërtesa një grup artistësh dhe disa drejtues të opozitës mëngjesin e së dielës përpara se makineri të rënda të nisnin shembjen e saj.

Vendimi i qeverisë për shkatërrimin e Teatrit të vjetër Kombëtar, të ndërtuar nga italianët kur ata pushtuan Shqipërinë gjatë Luftës së Dytë Botërore, u kundërshtua nga artistë dhe të tjerë që kërkonin rinovimin e tij.

Një politikan i opozitës tha se 30 persona, përfshirë një gazetar, u arrestuan nga policia. Autoritetet nuk kanë komentuar mbi këtë raport.

Lexo po ashtu Rrënohet objekti i Teatrit Kombëtar në Tiranë

Ajo shkruan më tej se pamjet televizive treguan Monika Kryemadhi, drejtuese e një partie opozitare dhe bashkëshorte e presidentit të vendit, duke u futur në një makinë të policisë. Pozita e presidentit në Shqipëri është më së shumti një post ceremonial.

Kreu Partisë Demokratike dhe lideri i opozitës, Lulzim Basha, i bëri thirrje qytetarëve të rrëzonin qeverinë për shkatërrimin e teatrit.

Lexo po ashtu Basha: Me shembjen e paligjshme të Teatrit, Rama po pastron paratë e pista të klientëve të tij

Kujtojmë se, pas gati tre vitesh protestë dhe rezistencë për mbrojtjen e Teatrit Kombëtar nga artistët, intelektualët dhe shoqëria civile, në orët e para të mëngjesit të sotëm ka nisur dhe shembja e kësaj godine. /Telegrafi/