Vullnetarët shqiptarë në epiqendër të tërmetit në Turqi: “Pothuajse në çdo shtëpi ka së paku një të vdekur”

Përveç Ushtrisë së Kosovës, edhe ekipet e shpëtimit në Turqi po vazhdojnë me operacione për kërkim-shpëtim.

Me këtë rast, edhe Shoqata e Kosovës për Kërkim dhe Shpëtim është duke bërë punë vullnetare në shpëtim të qytetarëve dhe gjetjen e viktimave nga rrënojat pas tërmetit të shkaktuar.

Të vendosur në njërën nga zonat më të prekura nga tërmeti në Turqi, Shoqata e Kosovës për Kërkim dhe Shpëtim, bashkë më pjesëtarët të vendosur në Hatay, po vazhdojnë me
kërkim-shpëtim.

Mentor Maloku, në një deklaratë për RTK-në, ka dhënë detaje nga operacioni që po bëjnë vullnetarët.

Lexo po ashtu Pas 162 orëve nën rrënoja, FSK i shpëton edhe dy persona në Turqi

“Kemi ardhur në qytetin e Hataya, në epiqendër të tërmetit. Ne si shoqatë jemi munduar dhe do të
mundohemi të japim maksimumin, qoftë në shpëtim jete ose në nxjerrje të trupave të qytetarëve” tha Mentor Maloku, nga SHKKSH.

Po ashtu ai ka njoftuar për gjendjen aktuale atje, teksa shtoi se qyteti është i shkatërruar plotësisht, ku, pothuajse në çdo shtëpi ka një të vdekur.

Nga tërmetet në Turqi dhe Siri janë shkaktuar mbi 33 mijë viktima. Sipas OBSh-se, numri i viktimave mund të dyfishohet.