Vullkani La Palma: Shihni sesi ishulli spanjoll është ‘shtrirë’ për 43 hektarë që nga shpërthimi

Ishulli spanjoll La Palma “është shtrirë” 43 hektarë në det që kur vullkani Cumbre Vieja filloi të shpërthejë më shumë se dy muaj më parë.

Imazhet e reja të publikuara nga programi evropian i vëzhgimit të Tokës, Copernicus, tregojnë pamjet para dhe pas shpërthimit, të vijës bregdetare të ishullit.

Copernicus postoi imazhe nga sateliti Sentinel 1 në Twitter për të treguar se si lava ka rritur madhësinë e ishullit.

Vullkani filloi të shpërthejë për herë të parë më 19 shtator.

#Copernicus for #Volcano? monitoring

Since the start of the #LaPalma #CumbreVieja eruption, the island of the #Canarias archipelago has extended its area by ~4⃣3⃣ ha, while, according to @CopernicusEMS, 2⃣6⃣5⃣1⃣ built-up structures have been destroyed

⬇️#Sentinel1???️ imagery pic.twitter.com/DXknhKW0I9

— Copernicus EU (@CopernicusEU) November 22, 2021

Sipas mediave të huaja, përcjell Telegrafi, imazhet nga sateliti optik me rezolucion të lartë Sentinel 2 ofrojnë një vështrim më të afërt të ndryshimit në ishullin spanjoll në Kanarie.

Lava tani mbulon një sipërfaqe prej 1065.9 hektarësh të ishullit. Magma gjithashtu ka shkatërruar rreth 2651 ndërtesa që nga fillimi i shpërthimit.

Kohët e fundit, më shumë se 40 lëkundje janë regjistruar në ishull, sipas Institutit Kombëtar Gjeografik, ndërsa aktiviteti vullkanik vazhdon.

Lëkundjet më të forta ishin me magnitudë 4.8 ballë dhe ndodhi në komunat Villa de Mazo dhe Fuencaliente, ku ndodhi pjesa më e madhe e aktivitetit sizmik.

Të martën, aeroporti La Palma rifilloi aktivitetin pas pastrimit të pistës, “por ekzistenca e erërave nga jugu dhe jugperëndimi po shkaktojnë një skenar të pafavorshëm për navigimin ajror për shkak të depozitimit të hirit në drejtim të lindjes dhe verilindjes, gjë që mund të pengojë zhvillimin e operacioneve”, sipas Institutit Gjeologjik Kombëtar Spanjoll. /Telegrafi/