Vuan nga një çrregullim i rrallë muskulor, 14-vjeçari mëson të shkruaj, gatuaj e të luaj me këmbë (Foto)

Një nxënës ka arritur të mësoj të shkruaj, hajë dhe gatuaj me këmbë, pasi ka lindur me një çrregullim të rrallë muskulor.

Devin McLane vuan nga arthrogryposis multiplex congenita, që i shkakton probleme muskulore, transmeton Telegrafi.

Shumica e muskujve në kraharorë nuk i funksionojnë, dhe duke parë se duhet disi të pavarësohet ka mësuar të kryej punët e tij të përditshme me këmbë edhe pse këmbët gjithashtu i ka të prekura nga kjo sëmundje.

14-vjeçari luan sporte të ndryshme siç është mundja, shenjëtari me hark dhe shigjetë duke përdorur gishtat e këmbëve në vend të duarve.

I riu nga Stevensville, Montana ka mësuar pothuajse gjithçka të bëjë me këmbë, ai pranon se ëma e ka mësuar të përgatisë vezë me këmbë qysh kur ishte 6-vjeçar.

Një në tremijë fëmijë lindin çdo vit në SHBA me këtë çrregullim të rrallë, këto të dhëna janë bërë publike nga Instituti Kombëtar i Shëndetësisë.

Ndërkaq e ëma e Devin, McLane një nënë beqare, ka pranuar se qysh gjatë shtatzënisë e kishte kuptuar se Devin vuan nga çrregullimi i njohur ndryshe si AMC. /Telegrafi/