Dy vëllezërit, Blerim dhe Haxhi Islamaj mbetën të vrarë mbrëmjen e së dielës në fshatin Madanaj të Gjakovës. Ata dyshohet se i vrau Gjergj Gjokaj, për shkak të një kontesti pronësor. Edhe vet i dyshuari përgjatë përleshjes pësoi disa dëmtime, mes tyre edhe një plagosje me armë.
Një kontest për një pronë në fshatin Madanaj të Gjakovës, dyshohet se u bë shkak që të ndodhë një vrasje e dyfishtë.
Në rrugën ku ndodhet prona, shenjat e gjakut janë akoma prezente.
Vrasjen e dy vëllezërve Blerim dhe Haxhi Islamaj, dyshohet se e kreu Gjergj Gjokaj.
Gjokaj, edhe pse ka vendosur që të mbrohet në heshtje, një verzion të tij për ngjarjen ia ka treguar avokatit, Ndrec Dodaj.
Sipas Gjokajt, vrasjen ai e kreu me armë tashmë të të ndjerëve.
“I dyshuari për momentin pretendon se arma është e viktimave. Se thotë jam goditë me atë armë, sepse e kanë pasur nj kacafytje, e ai thotë se ua ka nxjerrë armën prej dorës. Kështu pretendon. Mirëpo, megjithëse kjo rrethanë për momentin është shumë e paqartë. Këto do t’i pretendojnë edhe disa prova që janë gjetur në vendin e ngjarjes. E di që ka edhe disa CD”, deklaroi Ndrec Dodaj, avokat i Gjergj Gjokaj.
Avokati Dodaj thotë se edhe vet Gjokaj u plagos me armë dhe tregoi që edhe gjatë së hënës klienti i tij u trajtua në spitalin e Pejës.
Dodaj tutje ka thënë se “Gjendja e tij për momentin nuk është aq serioze, mirëpo edhe e lehtë nuk është. Ka lëndime në kokë të shkaktuara prej mjeteve të forta. Sipas të dyshimtit, lëndimet i ka marrë prej armës së atyre. Ka edhe një predhë në këmbën e djathtë, nën gju”.
Mirëpo, në policinë e Gjakovës nuk e përjashtojnë mundësinë që edhe persona të tjerë të jenë të përfshirë në këtë vrasje.
“Hetimet janë duke vazhduar edhe në këto momente. Policia në çdo fazë të hetimit supozon ose ka indikatorë që ka edhe të dyshuar të tjerë”, deklaroi Sheremet Elezaj, zëdhënës i PK-së në Gjakovë.
Elezaj shtoi se në vendngjarje janë gjetur disa gëzhoja, nga të cilat ai pret të zbardhet shumëçka.
Organeve të rendit punën do t’ua lehtësojnë edhe kamerat e sigurisë, të cilat mësohet të kenë incizuar gjithë ngjarjen.
Për shkak të gjendjes shëndetësore të së dyshuarit, gjatë ditës nuk është mbajtur seanca për caktim të masës së paraburgimit.
E konflikti për pronën që solli vrasjen është disa vjeçar.
Viktimat kanë pretenduar se kjo ka qenë toka e tyre.
Megjithatë, atë në një proces të privatizimit, e ka blerë Gjon Gjokaj.
Televizioni ka mësuar se edhe Gjon Gjokaj në të kaluarën ka pasur probleme me tashmë të ndjerët, të cilët nuk e kanë pranuar atë si pronar legjitim të tokës.
I dyshuari për vrasje, Gjergj Gjokaj tokën e kishte vetëm në shfrytëzim.
E shtëpia e viktimave, ndodhet pak metra nga vendi ku ndodhi vrasja.
Ndërkohë familjarët nuk kanë dashur të flasin gjatë ditës për mediat./RTV Dukagjini/
Lufta Prigozhin - Putin
Më shumëBiografia e Hristijan Mickoskit, kryeministrit të ri të Maqedonisë së Veriut
Shi, shtrëngata dhe breshër – parashikimi i motit për këtë javë
15 muaj burgim dhe 12 mijë euro gjobë ndaj të akuzuarit për sulm ndaj pjesëtarëve të KFOR-it dhe Policisë në Zveçan
Shiu i dendur shkakton dëme të shumta në Prishtinë, qytetarëve u bëhet thirrje të evitojnë daljet
Si u nxor nga konteksti fjalia ku Edi Rama e përmendi SHBA-në si “një nga tri të këqijat e botës”?
Vdes albanologu Mehmet Rukiqi
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Shiu i dendur shkakton dëme të shumta në Prishtinë, qytetarëve u bëhet thirrje të evitojnë daljet
Priftit ia prenë fytin, vranë gjashtë policë – detaje dhe pamje të sulmeve në një sinagogë dhe një kishë në Dagestan të Rusisë
Reagon federata e Hunagrisë për gjendjen e Barnabas Varga
LIVE: Shqipëria luan ndeshjen vendimtare në grupe ndaj Spanjës - gjithçka që duhet të dini
Messi zbulon kundërshtarin më të urryer në futboll: Ai është lojtari që më zemëroi më së shumti
Dalin pamjet kur lojtari i Hungarisë u dërgua me urgjencë në spital