Pengesa më e madhe në rrugën drejt elektrifikimit të plotë të makinave është çmimi i tyre.
Por Volvo pretendon se e ardhmja është e ndritur dhe se makinat elektrike do të kushtojnë njësoj si ekuivalentët e tyre me benzinë - jo në një të ardhme të largët, por që në vitin 2025.
Arena EV raporton se prodhuesi suedez i veturave ka një nga planet më ambicioze midis prodhuesve globalë të automjeteve, për të kaluar vetëm në prodhimin e makinave tërësisht elektrike deri në vitin 2030.
Në fakt, Volvo po tërhiqet nga çdo program zhvillimi dhe prodhimi i motorëve me djegie dhe po fokusohet thjesht në zhvillimin e motorëve elektrikë, transmeton Telegrafi.
Megjithatë Volvo, pretendon se deri në vitin 2025 të paktën gjysma e prodhimit të saj do të jetë automjete elektrike, gjysma tjetër do të jetë hibride.
Volvo do të prodhojë vetëm makina elektrike dhe hibride nga viti 2025
Çmimi i makinave elektrike diktohet kryesisht nga kostot e baterisë, por një rol të madh luhet nga mungesa e çipit dhe kërkesa gjithashtu.
Rritjet e çmimeve të karburantit dhe energjisë po e bëjnë prodhimin më të shtrenjtë gjithashtu dhe vonesat në lidhje me Covid-in po ndikojnë ende në prodhimin e makinave, veçanërisht në Kinë.
Makinat elektrike do të përdorin paketa më të vogla baterish dhe do të kenë rreze më të mirë, do të ketë kimikate të reja të baterive që nuk do të kërkojnë gjithashtu aq shumë litium.
Citroen po përpiqet të gjejë një zgjidhje tjetër për enigmat e baterive
Në anën tjetër, Citroen po tregon një qasje të ndryshme me makinën e saj elektrike Oli. Kompania tani po dëshmon se është e mundur të prodhohet një EV familjar që kushton më pak se 30,000 euro, por do të duhet më shumë se thjesht teknologji. /Telegrafi/
