Vllasi: Vetëvendosje të distancohet nga “Syri i Popullit”

Albin Kurti dhe Glauk Konjufca nga Vetëvendosje janë akuzuar shpesh si ideatorë të oranizatës “Syri i Popullit”. Madje, ata kanë ngritur kallëzim penal ndaj presidentit Hashim Thaçi dhe ish-kryeparlamentarit Kadri Veseli për këto akuza dhe kanë dëshmuar në prokurori.

Por, avokati Azem Vllasi, që ishte viktimë e një tentim vrasjeje nga kjo organizatë, ka kërkuar që Lëvizja Vetëvendosje të distancohet, njofton Klan Kosova.

“Ndër të akuzuarit ishin disa që janë thirrur në Vetëvendosjen apo përkrahës së të kësaj partie. Nuk do të hyja në vlerësime më të thella, por besoj që Vetëvendosjes do t’i bënte mirë që të distancohej decitivisht nga këta njerëz dhe organizime të tilla sepse është mirë edhe për situatën politike tonën apo pretendimet që kjo organizatë ku shihet që shumë njerëz figurojnë ose simpatizantë të Vetëvendosjes dhe kjo nuk i bën mirë partisë”, tha ai.

Lexo po ashtu Shpallen fajtorë dhe dënohen me burg të akuzuarit në rastin “Syri i Popullit”, tensione në sallë

Vllasi tha se e gjithë familja e tij e ka përjetuar rëndë rastin e atentatit që përfundoi pa sukses.

Lexo po ashtu Vllasi: Dënimi i pjesëtarëve të “Syrit të Popullit” parandaloi komplotin e rrezikshëm për Kosovën

“Unë jam për një vizitë në SHBA te familjarët, por ajo që më ndodhi mua e kemi përjetuar shumë rëndë sepse unë prej këtyre të akuzuarve nuk iu kam bërë asgjë as me fjalë e as me vepra. Jemi të lumtur nëse ka më pak kriminalitet në Kosovë”, tha Vllasi.