Vjosa Osmani përgëzon Rita Orën dhe Valdrin Sahitin për bashkëpunim: Kur Rita dhe Valdrini bashkojnë forcat për të promovuar traditën tonë, s’ka më mirë

Këngëtarja shqiptare me renome botërore, Rita Ora, ditën e djeshme (e hënë) prezantoi një pjesë të klipit të ri.

Videoklipi i radhës, i cili pritet të lansohet më 12 shkurt, bëri që të komentohet në masë të madhe për shkak të veshjeve tradicionale të artistes nga Kosova.

Mes shumë reagimeve, një të tillë së fundmi e ka bërë edhe ushtruesja e detyrës së presidentes, Vjosa Osmani.

Osmani ka përgëzuar Ritën dhe kreatorin Valdrin Sahiti për bashkëpunim, duke qenë se ky i fundit është përkujdesur për çdo detaj të veshjeve së 30 vjeçares.

“Kur Rita Ora dhe Valdrin Sahiti bashkojnë forcat për të promovuar traditën tonë si s’ka më mirë. Ju lumtë”, ka shkruar ajo në një postim të publikuar në InstaStory.

Lexo po ashtu Rita Ora falënderon Valdrin Sahitin për veshjet tradicionale: Pikërisht në kohën kur Kosova feston Pavarësinë

Ylli i “Twist” në anën tjetër e falënderoi publikisht kreatorin e njohur, duke e cilësuar më të veçantë pikërisht në kohën kur Kosova feston Pavarësinë.

View this post on Instagram

A post shared by RITA ORA (@ritaora)

Për projektin e ri të quajtur “Bang”, Rita ka bashkëpunuar me artistët: David Guetta, Gunna dhe Khea. /Telegrafi/