Vjenë: Ministri Ameti takon drejtorin e përgjithshëm të UNIDO

Në ambientet e Kombeve të Bashkuara në Vjenë, ministri i Mjedisit jetësor dhe planifikimit hapësinor, Bashkim Ameti, ka zhvilluar një takim me drejtorin e përgjithshëm të Organizatës për zhvillim industrial të Kombeve të Bashkuara (UNIDO) Li Jong, transmeton Telegrafi Maqedoni.
Në këtë takim është biseduar për bashkëpunimin e deritanishëm të Ministrisë dhe UNIDO si dhe për aktivitetet e ardhshme të përbashkëta të këtyre dy institucioneve. Drejtori i përgjithshëm Jong gjatë bisedës i ka theksuar angazhimet vijuese të Kombeve të Bashkuara dhe UNIDO në pjesën e zhvillimit industrial dhe hapat e ardhshme të mëtejshme në realizimin e qëllimeve për zhvillim të qëndrueshëm të Kombeve të Bashkuara.

Nga ana tjetër, ministri Ameti duke shprehur mbështetje të madhe, dëshirë dhe vullnet për angazhim të përbashkët në realizimin e qëllimeve për zhvillim të qëndrueshëm të Kombeve të Bashkuara, ka theksuar gatishmërinë e Ministrisë të cilën e udhëheq ai, për përforcimin e bashkëpunimit.

Në takim është biseduar edhe për nevojën e identifikimit të prioriteteve kombëtare dhe rajonale për projektet e ardhshme të mbështetura nga programi GEF në pjesën e përmirësimit të zhvillimit industrial dhe ekonomik në vend, si dhe për projektet vijuese të Ministrisë dhe të UNIDO në vendin tonë, me ç’rast theks i veçantë është vënë në projektet më të rëndësishme./Telegrafi/