Vjen reagimi i Azpilicuetas për veprimin e shëmtuar të Ibrahimovicit ndaj tij

Duket se nuk ka ndjenja zemërimi nga Cesar Azpilicueta ndaj Zlatan Ibrahimovic, pas një goditje të bërë nga ky i fundit në përballjen mes Spanjës dhe Suedisë në ndeshjen kualifikuese të Kupës së Botës.

40-vjeçari goditi kapitenin e Chelseat nga mbrapa, derisa ndeshja ishte ende në shifrat 0-0.

Një video po qarkullon në Twitter, e cila tregon veprimet e Ibrahimovicit në tërësi, diçka që ka shkaktuar një sërë kritikash ndaj yllit të Milanit.

Lexo po ashtu Veprim idiotesk dhe i shëmtuar nga Ibrahimovic ndaj Azpilicuetas - suedezi shpëtoi madje edhe pa u ndëshkuar

Por, nuk ka acarim nga ana e Azpilicuetas, ndoshta e ndihmuar nga fakti që Spanja fitoi ndeshjen për t’u kualifikuar në Kupën e Botës që zhvillohet në Katar në vitin 2022.

Azpilicueta iu përgjigj incidentit të diskutueshëm në Twitter duke thënë, “Todo bien por aquí”, që do të thotë: “Çdo gjë është mirë këtu”.

Todo bien por aquí😅👍🏻 https://t.co/Bga5l7epaP pic.twitter.com/XTxRD0MMHR

— César Azpilicueta (@CesarAzpi) November 15, 2021

Llogaria zyrtare e kombëtares së Spanjës në Twitter iu bashkua atij postimi duke konfirmuar: “Confirmamos, está sano y salvo”, që do të thotë, “Ne konfirmojmë, ju jeni të sigurt dhe me shëndet”.

Ibrahimovic ende nuk ka komentuar mbi incidentin, por që kritikat kundër tij ishin të dukshme. /Telegrafi/

Confirmamos, está sano y salvo.

— Selección Española Masculina de Fútbol (@SEFutbol) November 15, 2021