Vitin e kaluar në Eurodrejtësi 23 lëndë nga Maqedonia e Veriut

Nga emërimi i Lençe Ristovës, si prokurore për lidhjet mes Republikës së Maqedonisë së Veriut dhe Eurodrejtësisë, në këtë institucion ndërkombëtar është rritur numri i lëndëve nga vendi ynë, qëndron në kumtesën e Ministrisë së Drejtësisë.

Nga atje potencojnë se sot ministrja e Drejtësisë Renata Deskoska, realizoi takim me kryetarin e Eurodrejtësisë, Ladisllav Hemran dhe prokuroren për lidhje të Maqedonisë së Veriut në Eurodrejtësi, Lençe Ristoska.

Në mbledhjen është biseduar për bashkëpunimin me Eurodrejtësinë dhe Raportin vjetor për funksionimin e zyrave për lidhje të Republikës së Maqedonisë së Veriut në Eurodrejtësi, për vitin 2019.

Kryetari i Eurodrejtësisë në fjalimin e tij prezantoi të dhëna statistikore nga nëntori i vitit 2018 – e këndej, të cilat tregojnë në rritjen e bashkëpunimit pasi që Republika e Maqedonisë së Veriut ka përfaqësues të sajin në Eurodrejtësi (EUROJUST). Edhe pse zyrtarisht bashkëpunimi i vendit tonë me Eurodrejtësinë fillon në vitin 2009, Republika e Maqedonisë së Veriut për herë të parë ka nominuar prokuror publik për lidhje në Eurodrejtësi në vitin 2018.

“Kjo është arsyeja për shkak të së cilës numri i lëndëve të sapohapura në të cilat është përfshirë Republika e Maqedonisë së Veriut është më rritje. Kështu, për dallim nga viti 2017 kur janë hapur vetëm katër lëndë të reja, në vitin 2018, numri i lëndëve të reja të hapura është 11, ndërsa në vitin 2019, numri i lëndëve të reja të hapura është 23”, informojnë nga Ministria e Drejtësisë.

Krahas numrit të rritur të lëndëve të reja të hapura është, vitin e kaluar e shënoi edhe atë që Republika e Maqedonisë për herë të parë e shfrytëzoi mundësinë përmes Eurodrejtësisë të kërkojë asistencë gjatë sigurimit të ndihmës ndërkombëtare juridike.

Ministrja Deskoska theksoi se paradokohe është miratuar Ligji i ri për Prokurori publike, i cili e përforcon sistemin për luftë kundër krimit të organizuar dhe korrupsionit me garanci për pavarësi gjatë vendimmarrjes dhe financimit dhe shprehu mirënjohje për bashkëpunimin e deritanishëm me Eurodrejtësinë.