Shumë pronarë besojnë se qentë e tyre mund të dallojnë ndryshime të mëdha në jetë, dhe shtatzënia është shpesh njëra prej tyre.
Qentë mund të bëhen veçanërisht të butë, mbrojtës dhe të lidhur me nënën e ardhshme. Një shembull i tillë prekës është shfaqur së fundmi në rrjetet sociale.
Pronarja e një qeni i racës husky të quajtur Levi ka ndarë një video që tregon se si sjellja e qenit të saj ka ndryshuar plotësisht që kur ajo mësoi se ishte shtatzënë.
Në Instagram ajo publikoi një video me titullin “Si u ndryshua husky im kur mbeta shtatzënë”.
Videoja fillon me skena nga ditët e mëparshme, kur Levi kërkonte me ngulm një kafshatë nga pjata, tregonte hijeshinë e tij dhe përpiqej të vidhte ushqim.
Por me kalimin e kohës, sjellja e tij ndryshoi. Në vend që të shikojë ushqimin, Levi tani vështron me butësi barkun e pronares së tij, si të kuptonte që brenda po zhvillohet një jetë e re. Vështrimi i tij është bërë plot kujdes dhe sjellja më e vëmendshme.
Ndryshimet janë vërejtur edhe natën. Levi nuk fle më në dhomën e tij, por zgjedh të qëndrojë pranë pronares ose në dhomën e foshnjës, si të ruante tashmë hapësirën për beben.
Ai është bërë edhe më i përkushtuar. Edhe pse më parë i pëlqente të përkëdhelej me pronarin, tani pothuajse nuk e lëshon nga sytë pronaren shtatzënë.
Gjatë shëtitjeve nuk tërheq më litarin, por ecën qetë dhe me kujdes pranë saj. Në vend që të shikojë thjesht qentë e tjerë që lehin, ai është gati të qëndrojë midis shtëpisë dhe çdo gjëje që ai e konsideron kërcënim.
Levi, siç thonë shumë komentues, është kthyer në një mbrojtës të vërtetë të familjes së tij. Shikoni videon. /Telegrafi/
