Video e David Beckhamit duke fjetur vendoset në murin e maternitetit ku lindi ish-futbollisti

Një video me orë të tëra e ish-futbollistit David Beckham duke fjetur është shfaqur në maternitetin e spitalit në të cilin ai lindi, në Londër.

Vepra artistike e Sam Taylor-Johnson është huazuar në departamentin e ultratingujve në Spitalin “Whipps Cross” në Leytonstone, në lindje të Londrës, deri në mars të vitit 2020.

Sarah Tinsley nga Galeria Kombëtare e Portretit tha që artisti dhe subjekti ishin në sinkron dhe se fjetja e Beckhamit në vepër bën debutimin e artit, shkruan BBC.

Beckham, tani 44 vjeç, lindi në njësinë e maternitetit të spitalit në vitin 1975 dhe u rrit aty pranë.

Taylor-Johnson u ngarkua të krijojë një portret të tij në vitin 2002, kur ajo njihej si Sam Taylor-Wood.

Regjisorja e “Fifty Shades of Grey” e konsideroi veprën si një “meditim mbi njeriun e famshëm”.

“Ne shikuam një numër vendesh të ndryshme me një marrëdhënie me David Beckham, duke përfshirë një stacion hekurudhor, një shkollë dhe një terren futbolli”, tha Tinsley.

“Në fund të fundit, spitali dukej se siguronte mjedisin më të mirë për të treguar punën. Ajo që ofron kjo hapësirë është një moment qetësie ndërsa njerëzit janë duke pritur për emërime ose duke dalë me fëmijën e tyre në krah”, vazhdoi ajo.

“Puna është një lloj portreti shumë paqësor, shumë intim, i ndryshëm [që] u siguron njerëzve diçka shumë të qetë [dhe] paqësore për të parë”.

Meritat për këtë pjesë i takojnë projektit “Coming Home” të Galerisë Kombëtare të Portreteve, që përfshin portrete të 50 individëve që udhëtojnë në vendet me të cilat janë të lidhur ngushtë. /Telegrafi/