Një veturë është përplasur sot në një dyqan të Apple në Hingham të Massachusetts, ku si pasojë janë lënduar 16 persona dhe një tjetër humbi jetën.
Gjykatësi i Plymouth, Tim Cruz, ka thënë se rreth orës 10:45, ekipet kompetente kanë pranuar një sërë telefonash për ndihmë, transmeton Telegrafi.
Në vendin e ngjarjes kanë dalë edhe ekipet e zjarrfikësve dhe policia, që gjetën disa qytetarë të lënduar, raporton CNN.
“Një SUV ngjyrë hiri u përplas në dyert e xhamit të lokalit, ku janë lënduar disa persona. 16 prej tyre janë dërguar në spital e një tjetër ka humbur jetën”, shtoi Cruz gjatë një konference për media.
Kujtojmë që dyqani i Apple në rrugën Derby është mbyllur përkohësisht. Në anën tjetër, është bërë e ditur se shoferi i veturës është shoqëruar nga policia për në stacionin më të afërt të policisë. /Telegrafi/
