Vetëm dy orë pasi i propozoi martesë, e rreh brutalisht të dashurën dhe e lë për të vdekur (Foto)

Në GLoucestershire të Anglisë, një burrë e ka rrah të dashurën e tij dhe e ka lënë si të vdekur – vetëm dy orë pasi i propozoi për martesë.

Steven Webley i ka propozuar partneres së tij Stephanie Borrowdale, para një grupi të vogël miqsh, në një aheng të thjeshtë në shtëpinë që ndanin së bashku.

Por, me të përfunduar ahengu, 28-vjeçari xheloz është bërë i dhunshëm dhe e ka qëlluar me grushte e shqelma, duke e lënë pa ndjenja dhe të mbuluar nga gjaku, transmeton Telegrafi.

Pasi i ka mbledhur gjërat që i përkisnin, Steven e ka thyer telefonin dhe laptopin e saj, që ajo të mos mund të kontaktojë dikë për të kërkuar ndihmë.

Para se të largohej, ai e ka nxjerrë edhe unazën nga gishti i 27-vjeçares, duke e anuluar në këtë formë fejesën dhe është larguar.

Pasi ajo është këndellur, ka dalë nga shtëpia për të kërkuar ndihmë.

“Më akuzoi për tradhti dhe filloi të më qëllonte. Njëri nga grushtet në kokë më la pa ndjenja dhe nuk mbaj mend asgjë”, ka shpjeguar gruaja, e cila ka mbetur me hundë të thyer dhe me shumë plagë në trup. “Për një moment u ndjeva si njeriu më i lumtur në botë, por më pas më rrahu për vdekje. Kur e pashë se ma ka marrë edhe unazën me të cilën më propozoi, ishte si t’i hedhësh plagës krip”.

Në anë tjetër, Gjykata e ka dënuar Steven me dhjetë muaj burg, dy vjet duhet të qëndrojë larg ish të dashurës, si dhe duhet të bëjë 200 orë punë pa pagesë. /Telegrafi/