Vdiq Sim Wong Hoo – themeluesi i Creative dhe njeriu pas Sound Blaster

Ka vdekur Sim Wong Hoo, themeluesi, drejtori ekzekutiv dhe kryetari i Creative Technologies, këtë e ka konfirmuar edhe kompania e tij. Ai “u nda nga jeta në mënyrë paqësore më 4 janar 2023”, sipas një njoftimi për shtyp. Ai ishte 67 vjeç.

Nëse dëshironit të futni kufje ose altoparlantë që mund të bënin më shumë se “bloops” ose “bleeps”, ndoshta ju nevojitet një kartë zanore – dhe asnjë kartë e tillë nuk ishte aq e suksesshme sa Sound Blaster e Creative Labs. Ajo shiti mbi 400 milionë njësi që nga 30 vjetori i saj në 2019.

Kompania ishte gjithashtu një forcë e madhe në hapësirën e pajisjeve MP3 me linjën e saj të pajisjeve Creative Nomad dhe Zen dhe paditi me sukses Apple për iPod-in e saj, duke marrë një pagesë prej 93,775 milionë eurove (100 milionë dollarësh), raporton The Verge, transmeton Telegrafi.

Vendosmëria e Sim-it e bëri atë një simbol të rrallë të suksesit të startup-eve në Singapor, pasi Creative u bë kompania e parë e Singaporit që u listua në bursën Nasdaq.

Drejtori ekzekutiv dhe bashkëthemeluesi i Razer, Min-Liang Tan, i cili e ktheu Razer në një kompani të Singaporit, në profilin e tij në rrjetet sociale ai shkroi: “U trondita tepër kur dëgjova për vdekjen e Sim, themeluesit të @CreativeLabs këtë mëngjes”.

Was incredibly shocked to hear about the passing of Sim, founder of @CreativeLabs this morning.
I just met him 2 weeks ago, like all our meetings, we talked for hrs about audio technology and products. Will miss him – the technology world and Singapore has lost a legend. pic.twitter.com/By1kZstelh

— Min-Liang Tan (@minliangtan) January 5, 2023

Duke shtuar: “Sapo e takova 2 javë më parë, ishte si në të gjitha takimet tona të zakonshme, biseduam për orë të tëra për teknologjinë dhe produktet audio. Do të më mungojë – bota e teknologjisë dhe Singapori ka humbur një legjendë”.