“I vdekur, i ringjallur dhe i kthyer në fushë”, historia interesante e sulmuesit Juan Hohberg në Kupën e Botës “Zvicër 1954”

Sulmuesi uruguaian me prejardhje argjentinase, Juan Eduardo Hohberg ka njërën nga historitë më interesante dhe më frymëzuese, duke u rikthyer nga ‘vdekja’ për të luajtur përsëri futboll në një gjysmëfinale të Kupës së Botës.

Gjysmëfinalja e Kupës së Botës “Zvicër 1954” përballi mes vete Hungarinë dhe Uruguain, dy fuqitë e momentit që mblodhën së bashku më shumë se 40 mijë  njerëz në stadiumin La Pontaise të Lozanës.

Më 30 qershor, kampionët në fuqi të botës u takuan me kampionët olimpikë, një brez i artë që kërcënonte të rrëzonte nga froni heronjtë e Maracanazo.

Kalimi i të dyve në atë Botëror kishte qenë dërrmues, gjë që i shtyu gazetarët të parashikonin “Ndeshjen e shekullit”, pavarësisht se as Puskas dhe as Obdulio Varela, figurat e tyre kryesore, nuk do të ishin në fushë për shkak të dëmtimit.

Gjithsesi, shiu i komplikoi gjërat, sidomos për uruguaianët, të cilët tashmë pas 12 minutash ishin në disavantazh 1-0 dhe në fillim të pjesës së dytë morën goditjen e dytë. Disavantazhi i detyroi ata të tërhiqnin kthetrat për të marrë biletën për në finale, por rikthimi dukej i largët.

Derisa, 15 minuta para fundit, në një kundërsulm vdekjeprurës, Schiaffino zbuloi një pasim maestral për Juan Eduardo Hohberg për të shënuar golin e ngushtimit të epërsisë 2-1.

Ky ishte debutimi i ëndrrave për Hohberg, një sulmues argjentinas që pranoi nënshtetësinë e Uruguait për të qenë në Kupën e Botës në Zvicër. Dhe ishte edhe më ëndërrimtare kur shënoi golin e barazimit në minutën e 87-të për të dërguar ndeshjen në vazhdime.

Edhe një herë ishte Schiaffino, i cili dha ​​një pasim në zonë për Hohberg, i cili dërgoi topin në rrjetë për barazimin 2-2.

2-2 detyroi kohën shtesë dhe shpërtheu euforinë e uruguaianëve. Golashënuesi vrapoi me eufori për të festuar me shokët e tij dhe gëzimi i solli ata në tokë duke u përqafuar me njëri-tjetrin.

Por pas festës, Juan Hohberg nuk u ngrit. Ai kishte pësuar një arrest kardiak, përcjell Telegrafi.

Gjyqtari thirri stafin mjekësor për t’i ardhur në ndihmë. Jashtë fushës, pranë portës që sapo ishte tundur, mjeku i bënte masazhe gjoksi dhe frymëmarrje gojë më gojë, por ai nuk iu përgjigj.

Stadiumi ishte i heshtur, megjithëse topi u rrotullua përsëri, njerëzit ende po shikonin me vëmendje situatën e Juan.

Një asistent erdhi nga bankina me Coramina, një ilaç për të stimuluar zemrën dhe pas disa minutash, Hohberg reagoi.

Ai vdiq për 15 sekonda dhe u ringjall duke krijuar një histori interesante që edhe tani pas gati 100 vitesh përmendet.

#OTD in 1996 – Juan Hohberg passed away; the Argentinian who became a Uruguay legend

▫️ 1954 #FIFA World Cup semi-finalist
– Famously played extra-time after suffering heart failure in the semi final vs. Hungary ??
▪️ 1x Copa #Libertadores with Peñarol [1960] pic.twitter.com/RutQ5ynoxs

— Uruguay Football ENG (@UruguayFootENG) April 30, 2021

Por, gjëja më e pabesueshme ende nuk u treguar.

Me lojën në kohën shtesë që po zhvillohej, Hohberg veshi përsëri fanellën dhe u kthye në fushë për të mbrojtur ngjyrat e vendit të tij në minutat e mbetur.

Pavarësisht guximit të tyre, Hungaria shënoi dy gola të tjerë, kaloi në finale dhe i dha Uruguait humbjen e parë në Kupën e Botës.

Megjithatë, Kupa e Botës nuk mbaroi me kaq për La Celeste. Katër ditë më vonë, në Cyrih, ata luajtën ndeshjen për vendin e tretë kundër Austrisë.

Një duel intensiv mes dy kombëtarëve, por që amerikano-jugorët do ta humbnin 3-1, me golin e vetëm të shënuar pikërisht nga legjenda Juan Hohberg. /Telegrafi/