Van de Beek pritet të mbetet në Angli, dy skuadra e duan transferimin e tij

Donny van de Beek nuk është i kënaqur me situatën e tij te Manchester United dhe planifikon të largohet nga Djajtë e Kuq, qysh në afatin kalimtar të janarit.

Mesfushori holandez u bashkua me Djajtë e Kuq në verën e vitin 2020 nga Ajaxi për 39 milionë euro.

Por, transferimi i tij në Old Trafford nuk ka shkuar siç është më së miri, pasi holandezi ka dështuar të tregojë cilësitë e tij.

24-vjeçari ka luajtur në 39 ndeshje në total nga viti i kaluar, derisa në shumicën nga to është inkuadruar si zëvendësues. Këtë edicion holandezi ka vetëm tri paraqitje dhe tanimë ka ndërtuar agjent pasi dëshiron një klub të ri ku mund të luaj rregullisht.

Mediat angleze kanë raportuar se Van de Beek mund të mbetet në Ligën Premier pasi ka dy oferta. Dy skuadrat angleze, Everton dhe Newcastle United kanë shprehur interesim për transferimin e holandezit.

Ekipet në fjalë tanimë kanë kontaktuar agjentin e ri të lojtarit, Ali Dursun për ta pyetur rreth transferimit të tij. Van de Beek është i vendosur të largohet pasi dëshiron një klub ku luan rregullisht dhe si Everton ashtu edhe Newcastle i garantojnë hapësira në formacionin bazë.

United është gati ta lejoj të largohet holandezin, por synon të përfitojë mbi 25 milionë euro nga shitja e tij. /Telegrafi/