Vallëzonte në publik dhe nuk kishte hixhab, gruaja iraniane e pëson keq – tërhiqet zvarrë nëpër rrugë nga një burrë (Video)

Ky është momenti tronditës një grua iraniane është tërhequr zvarrë nëpër rrugë dhe rrahur derisa turma brohorisnin sepse ajo vallëzonte në publik dhe nuk mbante një hixhab.

Sipas mediave të huaja, përcjell Telegrafi, gruaja mund të shihet në një rrugë të ngarkuar pasi ajo është tallur nga burrat në qytetin Rasht, në bregun e detit Kaspik të Iranit.

Një turmë që duket se nuk pajtohen me veprimet e gruas gjenden aty, derisa disa të afrohen tek ajo, me njërin që e kap për flokë duke e shtrirë në tokë, më pas edhe duke e tërhequr zvarrë.

Sipas gazetarit iranian dhe aktivistit Masih Alinejad, ajo u gjend në një situatë të tillë për shkak se ajo u zbulua dhe ajo vallëzonte.

Thuhet se viktima mund të dëgjohet duke qarë gjatë gjithë pamjes, derisa burrat qeshin në sfond.

Kodi i veshjes islamike, që nga revolucioni i vitit 1979, e konsideron mbulesën të detyrueshme për çdo femër mbi 13 vjeçe në Iran dhe thotë se ato duhet të mbulojnë veten nga koka deri te këmbët.

Thyerja e rregullave mund të rezultojë në gjoba deri në 20 euro dhe deri në dy muaj burg. /Telegrafi/