Elita Rudi është rikthyer me sezonin e ri të programit “The Elite Way”, ku të ftuar kishte ish-banoren e Big Brother VIP Albania 4, Valbona Mhillin.
Duke qenë se kishte mik të ngushtë, Jozefin Markun, ajo u pyet për situatën që mori vëmendje të madhe ku e kishte goditur me shuplakë në fytyrë Gjestin.
Ajo theksoi se këngëtari është penduar dhe këtë e ka shprehur me të gjithë, madje edhe nëpër intervista.
Foto: YouTube
“Jozi ndihet shumë keq për situatën që ka ndodhur dhe absolutisht që e mirëpret dhe ka shumë respekt për Gjestin”, u shpreh ajo.
“Më ka shprehur personalisht, përtej kamerës. E ka shprehur dhe ka dhënë mendimin e tij se si ndodhet për situatën e ndodhur”, theksoi tutje.
Sa i përket raportit me fituesin e këtij edicioni, gazetarja tha se ka kontakt herë pas here dhe se ndiqen në rrjete sociale.
“Me Gjestin kam pasur komunikim para disa muajve, por këto kohët e fundit jo. Më pëlqen është shumë energjik, aktiv dhe lojërat që i bën herë pas here në Instagram”, shtoi Mhilli.
- YouTube www.youtube.com
Valbona së shpejti ka premtuar se do të rikthehet edhe në ekran, me projekt të ri. /Telegrafi/
