Ushtria amerikane teston dylbinë e re elektrike të pushkës, nuk i lejon ushtarët të shkrepin plumba nëse objektivi nuk është në shënjestër

Ushtarët amerikanë që kanë “zbarkuar” në Siri po testojnë dylbinë e re elektronike të pushkës automatike, e cila nuk do t’i lejoj të shtien derisa sistemi elektronik detekton dhe sigurohet që plumbi do të godet objektivin.

Bëhet fjalë për dylbinë SMASH 200 që kalkulon trajektoren e plumbit kur shkrepet mbi një objektiv të caktuar, duke u mundësuar ushtarët që fillimisht “të shënjojnë” objektivin, dhe më pas të prekin një buton në afërsi të këmbëzës së pushkës, transmeton Telegrafi.

Kur ushtari është i gatshëm të gjuaj, sistemi determinon nëse shenja e tyre është në objektiv dhe nëse një gjë e tillë nuk është në rregull sipas përllogaritjeve, nuk do të shkrep pushka edhe nëse këmbëza tërhiqet nga ushtari.

Në poligonin testues të ushtrisë amerikane al-Tanf në Siri në afërsi të vijës kufitare me Jordaninë dhe Irakun, ushtarët përdorën dylbinë SMASH 2000 për të vënë në shënjestër dronët e vegjël që lëviznin në qiell.

Kjo lloj dylbie është përdorë më parë në terren nga forcat mbrojtëse të Izraelit, por sipas prodhuesit Smart Shooter Ltd, kjo shënon përdorimin e parë në Siri. /Telegrafi/