Ukraina njeh pavarësinë e Çeçenisë

Parlamenti ukrainas e ka njohur Republikën Çeçene të Ichkeria si një shtet të pavarur që është ‘përkohësisht’ i pushtuar nga Rusia, si dhe ka dënuar ‘kryerjen e gjenocidit kundër popullit çeçen’.

Anëtarët e kuvendit ukrainas, i cili njihet më mirë si “Verkhovna Rada”, miratuan njëzëri sot rezolutën.

“Ne deklarojmë njohjen e Republikës Çeçene të Ichkerias si të pushtuar përkohësisht nga Federata Ruse si rezultat i agresionit të armatosur të kryer në kundërshtim me Kartën e OKB-së”, thuhet në rezolutë.

The VRU:
1. Declares the recognition of the Chechen Republic of Ichkeria as one temporarily occupied by 🇷🇺 as a result of armed aggression committed in violation of the UN Charter.

2. Condemns the int'l crimes committed by 🇷🇺 during the 1st & 2nd wars against the CRI.

— Verkhovna Rada of Ukraine – Ukrainian Parliament (@ua_parliament) October 18, 2022

Ai përmendi shpalljen e pavarësisë nga Republika Çeçene e Ichkeria pas rënies së Bashkimit Sovjetik dhe ‘miratimin e një kushtetute nga parlamenti i saj më 12 mars 1992, e cila përcaktonte se Republika Çeçene e Ichkeria si një vend sovran, i pavarur, demokratik dhe shtet ligjor’.

Pas fitores së tyre në Luftën e Parë çeçene, Republika e Ichkeria ishte de fakto e pavarur nga Rusia. Ajo u riintegrua në Federatën Ruse pas Luftës së Dytë Çeçene, gjatë mandatit të parë presidencial të Vladimir Putinit.

Parlamenti ukrainas dënoi krimet e kryera nga Federata Ruse duke përfshirë “një politikë të gjenocidit të popullit çeçen” gjatë luftës së parë dhe të dytë çeçene.

Kjo, thanë ata, imitoi dëbimin sovjetik të vitit 1944 të të gjithë popullit çeçen dhe ingush, si dhe pushtimin e Kaukazit në shekullin e 19-të nga Perandoria Ruse. /Telegrafi/

.@Ole_Kondratiuk,
"With my co-authorship, the Statement of @ua_parliament on the recognition of the Chechen Republic of Ichkeria (CRI) as one temporarily occupied by the russian federation and condemnation of the genocide of the Chechen people was adopted. pic.twitter.com/capEok7Z8t

— Verkhovna Rada of Ukraine – Ukrainian Parliament (@ua_parliament) October 18, 2022