UEFA publikon listën e lojtarëve më të shpejtë në këtë sezon të Ligës së Kampionëve – asnjë nga Liga Premier

UEFA zbuloi të dhjetë lojtarët më të shpejtë në fazën e grupeve të Ligës së Kampionëve për edicionin 2022-2023.

Një klasifikim mjaft befasues, derisa disa prej lojtarëve nuk do të mund të përmirësojnë rekordin e tyre në fazën e eliminimit direkt.

Çuditërisht, Kylian Mbappe nuk shfaqet në listën prej dhjetë lojtraëce, derisa shpejtësia e pjesëmarrësve është përtej 35 kilometra/orë.

Në listën e UEFA-s është vetëm një lojtar nga Ligue 1, derisa ka nga La Liga, Serie A, Bundesliga – por asnjë nga Liga Premier.

Sa i përketë ligës franceze,  është mbrojtësi i majtë i Marseilles, Nuno Tavares, që gjendet i pesti në renditje me një shpejtësi të ngjasjme me yllin e Bayern Munichut, Alphonso Davies, me një shpejtësi maksimale prej 36.2 km/h.

Anësori i Barçës, Ousmane Dembele, mund të mburret se ndanë vendin e parë me lojtarin e Shakhtar Donetskut, Mykhailo Mudryk, me një shpejtësi mbresëlënëse 36.6 km/h.

Francezët nga Leverkuseni dhe Milani, Moussa Diaby dhe Theo Hernandez, janë po ashtu në top hjetëshen, i shtatit (36.1 km/h), dhe i dhjeti (35.7 km/h) përkatësisht. /Telegrafi/

Fastest players (km/h) this season 💨#UCL pic.twitter.com/EWR6YI8uDD

— UEFA Champions League (@ChampionsLeague) November 8, 2022