U rrah me tifozë për të shpëtuar familjen e tij në tribuna, Darwin Nunez përballet me një pezullim të gjatë

Darwin Nunez thuhet se mund të përballet me një ndalim të gjatë nga futbolli që mund të pengojë sezonin e parë me Arne Slot si trajner i Liverpoolit.

Të mërkurën mbrëma, Nunez u përfshi në skena të shëmtuara me tifozët pas humbjes së Uruguait në Copa America kundër Kolumbisë.

Jefferson Lerma shënoi golin e vetëm të lojës në fund të pjesës së parë për t’i siguruar Kolumbisë një takim me Argjentinën në finale.

Megjithatë, ndeshja u prish nga skenat e pakëndshme që pasuan pas vërshëllimës së fundit.

Lexo po ashtu Skena të pabesueshme në Kupën e Amerikës, Darwin Nunez futet në tribuna dhe rrahet me tifozët

Lojtari i Liverpoolit, Nunez dhe disa lojtarë të Uruguait u panë duke u përleshur me tifozët në tribuna.

Gazeta El Pais raportoi se telashi ndodhi pranë vendit ku anëtarët e familjeve të lojtarëve ndodheshin në tribunë.

Tani, është pohuar se Nunez së bashku me disa bashkëlojtarë mund të përballen me një ndalim të gjatë nga futbolli.

Sipas Daily Mail, organi qeverisës i futbollit të Amerikës së Jugut CONMEBOL do të vendosë ashpërsinë e çdo sanksioni dhe FIFA mund të zgjasë çdo pezullim në futbollin vendas, gjë që do të jetë një goditje e hidhur për trajnerin e ri të Liverpoolit, Slot.

Lexo po ashtu Arsyeja e trishtueshme e konfliktit në Copa America: Darwin Nunez ‘luftoi’ pak dhe ngushëlloi pastaj djalin e tij që qante

“Dëshirojmë të theksojmë dhe paralajmërojmë edhe një herë se nuk do të tolerojmë asnjë veprim që do të denigronte këtë festë botërore të futbollit, e cila përfshin lojtarë dhe tifozë në stadium dhe që do të ndiqet nga qindra miliona spektatorë në mbarë botën”.

“Është e papranueshme që ky lloj incidenti ta kthejë pasionin në dhunë, ndaj nuk do të tolerohet sjellja që dëmton garën sportive dhe spektaklin më të bukur në botë, që i përket gjithë familjes së futbollit”, thuhet në deklaratën e CONMEBOL. /Telegrafi/