“U refuzova nga Gjilani dhe Drita, e lash futbollin për gjashtë muaj” – Mirlind Daku flet për një moment të vështirë në jetë 

Mysafiri i radhës në podcastin “Arena e Yjeve” në Telegrafi, ishte super ylli shqiptar, Mirlind Daku.

Sulmuesi i Rubin Kazanit ka diskutuar për tema nga më të ndryshmet, duke filluar që nga refuzimi prej Dritës dhe Gjilanit.

“Ajo periudhë ka qenë më e rënda e imja”, ka filluar rrëfimin Daku në podcastin “Arena e Yjeve”.

“Jam refuzuar nga të dyja klubet e qytetit (Drita dhe Gjilani). Erdhi një moment që duhej të vendossha, sepse isha 18-vjeçar”.

“Isha mes dy rrugëve, ose të vazhdoja të ndjeksha ëndrrën e futbollistit ose të gjeja një punë tjetër për të mbijetuar”, ka rrëfyer mes tjerash Daku.

Për të gjitha këto dhe shumë të pathëna të tjera, Daku i ka shpalosur të gjitha në podcastin “Arena e Yjeve” në Telegrafi.

Këtë podcast mund ta ndiqni në TV Dukagjini çdo të shtunë nga ora 17:10, ndërsa nuk do të ishte i mundur pa përkrahjen e sponsorëve tanë Patos, Dent Fix, Lasko, Pro Transport,  Muqa Solar dhe KGM Kosova. /Telegrafi/