Twitter kufizon numrin e postimeve që mund të shohin përdoruesit gjatë një dite

Twitter po aplikon një masë të përkohshme ku do të limitojë numrin e postimeve që përdoruesit do mund të lexojnë brenda një dite, tha Elon Musk.

Në një postim në Twitter, Musk tha se llogaritë e paverifikuara do të kenë qasje deri në 600 postime në ditë, transmeton Telegrafi.

To address extreme levels of data scraping & system manipulation, we’ve applied the following temporary limits:

– Verified accounts are limited to reading 6000 posts/day
– Unverified accounts to 600 posts/day
– New unverified accounts to 300/day

— Elon Musk (@elonmusk) July 1, 2023

Ndërkohë, llogaritë e verifikuara do të jenë të kufizuar përkohësisht të lexojnë 6,000 postime në ditë.

Musk gjithashtu ka shkruar se do të ketë kufizim më të madh edhe për llogaritë e reja pa verifikim. Sipas tij, këta përdorues do të kenë qasje në ditë në vetëm 300 postime.

Në një deklaratë, ai tha se këto masa të përkohshme kufizuese u vendosën për të adresuar “nivelet ekstreme” të heqjes së të dhënave dhe manipulimit të sistemit.

Lexo po ashtu Përdoruesit në Twitter nuk do të kenë qasje më në postimet e platformës pa u kyçur në llogaritë e tyre

Gjatë ditës, u raportua se Twitter gjithashtu nuk do të lejojë qasjen në postimet e platformës nëse përdoruesit nuk janë të kyçur. /Telegrafi/