Trupi i pajetë i një emigranti gjendet i lidhur në shtrat, në mes të një rruge në Arabinë Saudite (Video)

Trupi i pajetë i një emigranti është gjetur i lidhur në shtrat në mes të një rruge në Arabinë Saudite, i cili raportohet se ishte i mbushur me plumba.

Trupi është gjetur në rrugën kryesore në jugperëndim të qytetit Abha në provincën Aseer, afër Detit të Kuq, transmeton Telegrafi.

Sipas policisë saudite ai ishte qëlluar me pushkë automatike. Identiteti i viktimës nuk është zbuluar, por raportohet se bëhet fjalë për një emigrant rreth të ’30-ve.

Trupi ishte mbuluar me batanije i lidhur në një shtrat, që ishte hedhur në mes të një rruge rreth shtatë milje larg qendrës së qytetit. Autoritetet lokale kanë konfirmuar se kanë filluar hetimet për të përcaktuar identitetin e viktimës si dhe vrasësit.

Në videon e publikuar më poshtë shfaqet një shtrat i hekurt në mes të natës duke qëndruar në mes të një rruge, ku në të ishte lidhur trupi i pajetë i emigrantit.

Derisa autori i videos i afrohej shtratit, mund të shihet se trupi ishte mbuluar me batanije, ndërsa policia saudite nuk e di nëse burri është vrarë në shtrat apo më vonë është vendosur aty. /Telegrafi/