Trump pohoi se shifrat e të vdekurve shkaku i COVID-19 janë ekzagjeruar, reagon Fauci

Dy zyrtarë të lartë shëndetësorë amerikanë kanë sfiduar pretendimin e presidentit se të dhënat për rastet me COVID-19 dhe vdekjet janë “rritur artificialisht”. Ata shprehën optimizëm për rritjen e niveleve të vaksinimit.

“Vdekjet janë vdekje të vërteta”, tha Anthony Fauci, drejtori i Institutit Kombëtar të Alergjisë dhe Sëmundjeve Infektive për ABC News, duke shtuar se të dhënat espitaleve të mbipopulluara dhe punonjësit shëndetësorë nën stres “nuk janë të rreme”.

Fauci dhe kreu i shërbimit shëndetësor amerikan, Jerome Adams, mbrojtën saktësinë e të dhënave për coronavirusin të botuar nga Qendrat Amerikane për Kontrollin dhe Parandalimin e Sëmundjeve pasi Trump sulmoi metodat e tabelimit të asaj agjencie, transmeton Telegrafi.

Më shumë se 20 milionë njerëz janë infektuar në Shtetet e Bashkuara dhe gati 347 mijë kanë vdekur – ose një në çdo 950 banorë – që kur virusi u shfaq për herë të parë në Kinë në fund të 2019, sipas CDC-së.

“Nga një këndvështrim i shëndetit publik, nuk kam asnjë arsye të dyshoj në këto shifra dhe mendoj se njerëzit duhet të jenë shumë të vetëdijshëm se nuk janë vetëm vdekje,” tha Adams. “Bëhet fjalë për shtrime në spital, kapacitet”, shtoi ai.

Lexo po ashtu Trump: Shifrat e të vdekurve nga COVID-19 në SHBA janë të ekzagjeruara

Fauci dhe Adams shprehën optimizëm se ritmi i vaksinimit të amerikanëve kundër virusit po përshpejtohet pas një fillimi të ngadaltë. Më shumë se 4.2 milionë njerëz janë vaksinuar që nga 14 dhjetori me një nga dy vaksinat, shumë më pak sesa qëllimi i administratës Trump për 20 milionë deri në fund të vitit 2020.

Ai tha se besonte se numri i vaksinave ditore mund të zgjerohej në një milion dhe bëri thirrje për një “partneritet të vërtetë” midis qeverisë federale dhe qeverisë federale. /Telegrafi/