Donald Trump ka nënshkruar një projektligj që miraton publikimin e dosjeve që lidhen me Jeffrey Epstein nga Departamenti i Drejtësisë i SHBA-së.
"SAPO E KAM NËNSHKRUAR PROJEKTLIGJIN PËR TË LIRUAR DOSJET E EPSTEIN!" tha ai në një postim në Truth Social.
"Demokratët e kanë përdorur çështjen 'Epstein', e cila i prek ata shumë më tepër sesa Partinë Republikane, në mënyrë që të përpiqen të shpërqendrojnë vëmendjen nga Fitoret tona të MREKULLUESHME", vazhdoi ai.
Kjo vjen pasi Senati përfundoi formalitetet dhe ia dërgoi legjislacionin e propozuar tavolinës së presidentit, pasi kaloi me lehtësi një votim në Dhomën e Përfaqësuesve të martën.
Departamenti i Drejtësisë tani ka 30 ditë kohë për të publikuar dokumentet.
Ndryshe, Trump premtoi gjatë fushatës zgjedhore të vitit të kaluar se do të publikonte të gjitha dosjet e Epstein, por që atëherë ka kaluar muaj duke i cilësuar ato si një "mashtrim" të demokratëve.
Prokurorët zakonisht nuk publikojnë dokumente gjatë një hetimi të drejtpërdrejtë.
Kjo ka ngritur pyetje nëse Departamenti i Drejtësisë do të redaktojë apo do të mbajë të fshehtë dosje të caktuara.
Gjithashtu, do të ketë shumë informacione rreth njerëzve që nuk akuzohen për ndonjë shkelje.
Pra, pyetja mbetet: a do të publikohen dosjet plotësisht - dhe të paredaktuara? /Telegrafi/
