Truku i cili mashtron receptorët e urisë në tru: Përgatitni kështu smoothie dhe do të jeni të ngopur me orë të tëra!

Kënaquni me lëngun e shëndetshëm i cili ju bën të ndihen të ngopur.

Përgatitja e smothiet të dendur mund të mashtrojë trurin tuaj, për ç’shkak do të ndiheni gjatë të ngopur, thotë një hulumtim i paradokohshëm holandez.

Në studim kanë marrë pjesë 15 meshkuj të cilët kanë provuar dy shejkë të ndryshëm, të dy në stomak të zbrazët, në ditë të ndryshme të javës, transmeton Telegrafi.

Një shejk ka pasur 100 kalori dhe ka pasur dendësinë si të pudingut, ndërsa tjetri ka pasur 500 kalori dhe ka qenë i hollë si qumështi.

Ekspertët pastaj kanë shfrytëzuar rezonancën magnetike për të matur sasinë e ushqimit në lukthet e tyre, si dhe kanë studiuar në mënyrë që të zbulojnë sa uri kanë ndier pas një orë e gjysmë.

Edhe pse shejku prej 500 kalorive më gjatë ka qëndruar në lukthet e tyre, ndërkaq shejku prej 100 kalorive të cilin e kanë konsumuar meshkujt që i janë nënshtruar studimit i ka mbajtur më gjatë të ngopur.

Ky efekt ka ekzistuar edhe gjatë racionit të ardhshëm – kur kanë ngrënë në tavolinë suedeze, nuk ka pasur dallim në sasinë e ushqimit të cilin të dy grupet e kanë ngrënë.

Përse ndodh kështu?

Në gojë ekzistojnë neuronet të cilat janë të lidhura drejtpërdrejt me trurin. Njëherë kur ato neurone detektojnë pijen e dendur, shfaqen në trurin tonë sikur vërtet të jetë fjala për sasinë e konsiderueshme të ushqimit.

Prandaj, nëse dëshironi të jeni më gjatë të ngopur pas smoothiet, shtoni pemë të pasura me fibra (p.sh. banane) të cilat do ta bëjnë edhe më të dendur.

Edhe një “dendësues” i shkëlqyeshëm për smoothien tuaj janë farat chia, të cilat absorbojnë ujin dhe krijojnë teksturë të dendur. /Telegrafi/