Tri ushtrime për gjoks të bukur dhe të fortë

Meqenëse në pjesën më të madhe janë inde yndyrore, me kalimin në moshë femrave gjoksi fillon t’u humbë formën, ndërsa tëhollohen dhe varen edhe lëkura edhe gjoksi

Për ta ngadalësuar këtë efekt, provoni këto tri ushtrime për torzo të cilat i rekomandon trajneri Harley Pasternak, i cili ka punuar me yje të shumta të muzikës dhe të filmit, sikurse Rihanna, Megan Fox, etj.

– Të gjitha lëvizjet forcojnë edhe pjesën e pasme të trupit, tërheqin supet përpara dhe ngrenë gjoksin, thotë Pasternak, transmeton Telegrafi.

1. Superman

Shtrijuni në tepih me fytyrën poshtë, ndërkaq duart dhe këmbët shtrini maksimalisht.

Njëkohësisht ngrini edhe duart edhe këmbët drejt tavanit, sa më shumë që të mundeni; mbani dy sekonda, pushoni, pastaj përsëritni.

2. Shtrirja në shpinë me pesha

Shtrijuni në shpinë me gjunjë të lakuar dhe me peshën prej 3 kilogramësh në secilën dorë.

Duart shtrini në drejtim të tavanit, pastaj lëshoni në drejtimin mbi kokë, derisa të arrini në nivel me veshët, dhe përsëriteni disa herë.

3. Ulje me pesha dhe këmbë të tendosura

Qëndroni me këmbë në dysheme në distancë të supeve, ndërkaq me gjunjë pak të hapur; mbani peshën prej tre kilogramësh në çdo dorë, me shuplaka të kthyera nga vetja.

Shtyni kërdhokullat prapa (mbani peshën në thembra) dhe ngadalë uleni pjesën e sipërme të trupit.

/Telegrafi/