Tri klubet e Ligës Premier e duan Brojën, njëra nga to pritet ta transferojë

Për të krijuar hapësirë për më shumë lojtarë të rinj, Chelsea ka të ngjarë të shesë Armando Brojan për një tarifë prej 35 milionë eurokëtë verë, sipas “Evening Standard”.

Sulmuesi, i cili ka katër vite të mbetura nga kontrata e tij aktuale, është në krye të listës së dëshirave të West Ham United, ndërsa për të janë të interesuar edhe Everton dhe Newcastle United.

Gjatë sezonit të kaluar, 20-vjeçari shënoi nëntë gola në 38 paraqitje në të gjitha ndeshjet për Southampton, por gjithashtu situata e tij e jashtëzakonshme në fushën e lojë bëri që shumë klube nga Italia dhe Anglia të interesohen për sulmuesin e kombëtares së Shqipërisë.

Lexo po ashtu Java vendimtare për të ardhmen e Brojës, planifikohet shitja e shqiptarit brenda pak ditësh

20-vjeçari e kaloi sezonin 2021-22 si i huazuar te Southamptoni, duke gjetur golin në nëntë raste në 38 paraqitje për Saints, përveç kontributit të një asistimi.

West Ham United është aktualisht skuadra favorite për sulmuesin, i cili ka shënuar katër herë në 14 paraqitje për Shqipërinë.

Broja kaloi kohë me Tottenham Hotspur si i ri, por u transferua te Chelsea në vitin 2009, duke përparuar përmes sistemit të të rinjve në klub përpara se të nënshkruante një kontratë profesionale në shkurt të vitit 2020. /Telegrafi/