Tre lojtarët e Chelseat që kanë humbur numrin në fanellë dhe u kërkohet që të largohen nga skuadra

Lojtarëve të Chelseat, Tiemoue Bakayoko, Danny Drinkwater dhe Ross Barkley u është thënë se ata duhet të gjejnë klube të reja sipas The Athletic pasi zyrtarisht iu hoq numri në fanella.

Të tre lojtarët nuk kanë qenë në gjendje të vendosin veten si lojtarë të ekipit të parë të The Blues që nga ardhja e tyre pasi kushtuan mbi 100 milionë euro në shuma kumulative në tarifat e transferimit.

Thomas Tuchel ka njoftuar zyrtarisht lojtarët se ata nuk janë në planet e tij në fund të para-sezonit pasi ai nuk mendon se ata kanë cilësinë për të bërë ndikim në skuadër.

Të tre lojtarët kanë pasur paraqitje të ndryshme në huazim në sezonet e fundit me shkallë të ndryshme suksesi megjithatë ata të gjithë mbeten në kontrata me paga të larta të cilat mund ta bëjnë jashtëzakonisht të vështirë për klubin t’i shesë, pasi klubet janë prekur thellësisht financiarisht nga pandemia e coronavirusit.

Sidoqoftë, Blues kanë shitur tashmë Tammy Abrahamin për një tarifë prej rreth 45 milionë eurosh te Roma, i cili ka qenë jashtë favorit nën Tuchel.

Me largimin e tre lojtarëve, Chelsea kërkon transferimin e një qendërmbrojtësi dhe një mesfushori. /Telegrafi/