Tre gjigantët e Ligës Premier duan ta transferojnë sensacionin e Ajaxit

Liverpool, Arsenal dhe Manchester United kanë vënë syrin te mbrojtësi i ri i Ajaxit, Jorrel Hato, me synimin për ta nënshkruar atë në fund të sezonit.

Sipas një raportimi nga Football Insider, Liverpool po monitoron nga afër përparimin e 18-vjeçarit dhe mund të kërkojë të sigurojë nënshkrimin e tij sapo të përfundojë fushata.

I njohur për shkathtësinë e tij si qendërmbrojtës dhe mbrojtës i krahut, Hato përfaqëson një premtim të ndritshëm për të ardhmen. Aftësia e tij për t’u përshtatur me role të ndryshme në mbrojtje e bën atë një objektiv joshëse për Reds, të cilët e shohin atë si një blerje cilësore afatgjatë.

Megjithatë, interesimi i Liverpoolit nuk është unik, pasi për mbrojtësin e talentuar kanë shfaqur interes edhe Arsenali dhe Manchester United.

Kjo garë shton një nivel shtesë presioni për të siguruar nënshkrimin e Hatos, potenciali i të cilit e bën atë një aset të vlefshëm në tregun e transferimeve.

Lexo po ashtu Liga Premier do të 'fusë një rregull të ri' që ndëshkon klubet për dy gjëra që ndodhin pothuajse çdo ndeshje

Në fund të fundit, fati i Jorrel Hato mbetet i pasigurt, por ai ka të ngjarë të tërhiqet nga perspektiva për t’iu bashkuar klubeve me emra të mëdhenj si Liverpool dhe Manchester United.

Me merkaton e transferimeve në horizont, mbetet për t’u parë se ku do të përfundojë mbrojtësi i ri, potenciali i të cilit e bën atë një aset të lakmuar në Evropë. /Telegrafi/