Travis Scott rikthehet me një performancë madhështore në Miami, pak muaj pas ngjarjes tragjike në festivalin “Astroworld”

Travis Scott do të rikthehet me një performancë në Miami muajin e ardhshëm.

Reperi është raportuar se do të dalë në skenë të shtunën, në 7 maj në E11EVEN.

Sipas fletushkave promocionale dhe faqes së internetit të E11EVEN, biletat janë në shitje tani me një çmim prej 150 (141 euro) deri në 250 dollarë (236 euro), në varësi të faktit nëse jeni mashkull apo femër.

Tavolinat VIP janë gjithashtu të disponueshme për rezervim dhe ato shkojnë me një çmim më të lartë, thuhet se mbi 100 mijë dollarë.

Duke marrë parasysh që kjo do të jetë paraqitja e parë e Travis pas një periudhe të gjatë, duhet të imagjinoni se kostoja do të jetë më e lartë.

Lexo po ashtu Travis Scott publikon këngën e parë që nga tragjedia në Astroworld - teksa përpiqet të rikthehet në karrierë

Kjo sigurisht nuk është hera e parë që TS ka rrëmbyer një mikrofon që nga tragjedia e “Astroworld” në nëntor, kur vdiqën 10 njerëz.

Ai ka marrë pjesë në performanca më të vogla në muajt pasardhës – duke përfshirë një festë para “Oscars”, njësoj edhe për “Coachella”.

Në të dyja ngjarjet dukej se kishte një entuziazëm rreth pranisë së tij, por koha do të tregojë nëse një klub si E11EVEN mund të mbledhë një turmë të madhe.

Sido që të jetë, Travis është në mes të disa proceseve gjyqësore për shkak të festivalit “Astroworld”. /Telegrafi/