Trajneri i ri i Napolit, Rudi Garcia ka tri kërkesa transferimesh për drejtuesit

Trajneri Rudi Garcia nuk dëshiron të ndahet me Victor Osimhen dhe Khvicha Kvaratskhelia, ndërsa thuhet se ka zgjedhur Giorgio Scalvini të Atalantas për të zëvendësuar Kim Min-jae, i cili pritet të largohet nga Napoli. 

Sipas La Gazzetta dello Sport dhe Il Corriere dello Sport, trajneri francez ka informuar tashmë presidentin Aurelio De Laurentiis se ai nuk dëshiron të shesë dy yjet, Osimhen dhe Kvara gjatë verës.

Kuptohet se Napoli nuk do ta shesë nigerianin për më pak se 150-160 milionë euro dhe do t’i ofrojë atij një zgjatje të kontratës në javët e ardhshme.

Lexo po ashtu Zyrtare: Rudi Garcia merr drejtimin e Napolit

Sipas Gazzetta dello Sport, Jonathan David, Lille është objektivi kryesor i Napolit nëse Osimhen largohet.

Nuk ka dyshime se reprezentuesi i Koresë së Jugut, Kim Min-jae do të largohet nga Stadio Diego Maradona në korrik, me Bayern Munich që shihet si favorit para Manchester Unitedit në garën për 26-vjeçarin.

I big da tenere, il sogno Scalvini, lo staff: così prende forma il Napoli di Garcia #calciomercato https://t.co/sutNtFi9Ib

— La Gazzetta dello Sport (@Gazzetta_it) June 17, 2023

Gazzetta pretendon se Scalvini i Atalantës është objektivi i preferuar i Garcias për të zëvendësuar Kim, edhe pse lojtarë si Kevin (Lens), Hiroki Ito (Stuttgart), Kou Itakura (Borussia Mönchengladbach) dhe David Hancko (Feyenoord) po monitorohen gjithashtu nga kampionët e Serie A.

Ndryshe, Garcia do të prezantohet nga Napoli në një konferencë për shtyp të hënën pasdite. /Telegrafi/