Top golashënuesit deri më tani te Kosova – fillon me Vedat Muriqin, përfundon me Besar Halimin

Përfaqësuesja e Kosovës është duke u përgatitur që dy ditë për dy ndeshjet që i zhvillon në këtë muaj (tetor).

Dardanët do t’i zhvillojnë dy takimet për fazën kualifikuese të Kupës së Botës që mbahet në Katar në fund të vitit 2022.

Kosova, fillimisht takohet me Suedinë më 9 tetor, ku do të jetë mysafir i tyre, derisa mungesa më e madhe e suedezëve është Zlatan Ibrahimovic, që është i lënduar.

Pas tre ditësh, Përfaqësuesja jonë do të ketë punë me Gjeorgjinë, me këta të fundit që do të luajnë në stadiumin “Fadil Vokrri”.

Derisa Kosova nuk ka pasur një ecuri të mirë në këtë fazë kualifikuese, me çka edhe i pamundësohet kualifikimi në Kupën e Botës, do të mund të shikoni se kush janë golashënuesit më të mirë te ekipi ynë.

Lexo po ashtu Momenti kur Amir Rrahmani ndërpret intervistën e Astrit Selmanit

Kësaj liste i prinë sulmuesi i Lazios, Vedat Muriqi që ka shënuar 17 gola në 33 paraqitje, që karrierën te Kosova e ka filluar në vitin 2016.

View this post on Instagram

A post shared by Telegrafi Sport (@telegrafisport)

Pas tij renditet anëtari i Reims, Arber Zeneli që në 27 paraqitje ka realizuar nëntë gola dhe po ashtu ka debutuar në vitin 2016.

Si Muriqi e Zeneli, edhe Milot Rashica ka debutuar në vitin 2016 te Kosova, derisa ka realizuar gjashtë gola në 39 paraqitje.

Më pas vijnë Amir Rrahmani që shënuar pesë gola në 39 paraqitje, me Elbasan Rashanin që katër sosh në 20 paraqitje, me dyshen që kanë debutuar te Përfaqësuesja në vitin 2014, respektivisht 2015.

Të njëjtën pozitë me Rashanin për nga numri i golave e ndanë edhe Benjamin Kololli, që këtë numër e ka arritur në 23 paraqitje të bëra dhe debutimin e ka bërë në vitin 2016.

Dy lojtarë që janë pensionuar tashmë nga ekipi i Kosovës janë edhe Albert Bunjaku (2014-2016), që ka realizuar tre gola në gjashtë paraqitje, e atij i bashkohet Atdhe Nuhiu që ka po aq gola në 19 paraqitje (2017-2020).

Me nga tre gola janë edhe Valon Berisha e Besa Halimi, me të parin që ka 29 paraqitje dhe ka debutuar në vitin 2016 e Halimi ka 31 paraqitje dhe ka bërë paraqitjen e parë në vitin 2015.

Kosova nga pesë ndeshje të zhvilluar në kualifikimet e Kupës së Botës ka arkëtuar katër pikë dhe është në vendin e katërt. /Telegrafi/