Tom Hanks dhe Rita Wilson dhurojnë gjakun për të krijuar vaksinë kundër COVID-19

Gjaku i Tom Hanks dhe Rita Wilson do të përdoret nga studiuesit mjekësorë që po krijojnë një vaksinë kundër coronavirusit.

Çifti i martuar ishin ndër individët e parë të profilit të lartë që kontraktuan COVID-19, i cili infekton sistemin e frymëmarrjes dhe mund të jetë fatal, shkruan Daily Mail.

Ata u sëmurën ndërsa ishin në Australi, ku Tom Hanks po bënte filmin e tij të ri, për këngëtarin e njohur, Elvis Presley.

https://www.instagram.com/p/B9qBEyjJu4B/

Pasi dolën në publik me diagnozën e tyre dhe mbajtën fansat të informuar për gjendjen e tyre ndërsa ishin në izolim, dyshja u shëruan plotësisht dhe u lejuan të kthehen në shtëpinë e tyre në Los Angeles.

Pas kthimit në SHBA, Tom dhe Rita u regjistruan në një studim mjekësor për të përcaktuar nëse antitrupat e tyre do të ishin të dobishëm për shkencëtarët që punojnë për zhvillimin e një vaksine.

Në emisionin e një radioje publike, Hanks tha: “Sapo zbuluam se bartim antitrupa. Ne nuk jemi afruar vetëm; ne ju kemi thënë, a doni gjakun tonë? Dhe, në fakt, do t’ua japim tani vendeve që shpresojnë të punojnë në atë që unë do të doja ta quaj Hank-ccine. ”

Aktori i “Forrest Gump” zbuloi më parë se gruaja e tij aktore, Rita pësoi simptoma të coronavirusit shumë më keq sesa ai dhe ishte i shqetësuar për shëndetin e saj. Tani që Tom dhe Rita janë përsëri në këmbë, ata janë duke përdorur energjinë e tyre për të inkurajuar të gjithë fansat e tyre. /Telegrafi/