Tuttosport raporton se Juventusi dhe Barcelona mund të hyjnë në negociata mbi një marrëveshje shkëmbimi përfshirë Paulo Dybalan dhe Ousmane Dembelen.

Një vit pas marrëveshjes, ku Miralem Pjanic kaloi në Camp Nou dhe Arthur Melo në drejtim të kundërt, gazeta bën të ditur se Biankonerët mund të kthehen për të bërë një tjetër akord me katalunasit.

Dybala nuk është afër rinovimit me Zonjën e Vjetër dhe marrëveshja e tij aktuale skadon në qershor të vitit 2022, që do të thotë se e ardhmja e tij në Torino është e pasigurt.

Dybala 2 e1616768937260

Football Italia zbuloi më herët se Juventusi po refuzon të rrisë ofertën e tyre të kontratës për Dybalan, që do të thotë se kampioni në fuqi i Serie A mund të shesin argjentinasin këtë verë për të shmangur largimin e tij si lojtar i lirë.

Barcelona është në një situatë të ngjashme me anësorin francez dhe mediumi zbulon se të dy klubet mund të zhvillojnë një operacion të ngjashëm me atë duke përfshirë Pjanicin dhe Melon, siç ndodhi në verën e kaluar. /Telegrafi/

Serie ASportBarcelonaJuventus
telegrafi sport app