Ulpiana është përkujdesur për befasinë në xhiron e 12-të në BKT Superligën e Kosovës.
Skuadra lipjanase ka arritur ta mposhtë Ballkanin me rikthim 2-1, duke ia shkaktuar humbjen e parë suharekasve.
Iran dhe Ardi Shala ishin realizuesit e golave për skuadrën bardhekaltër.
Pas ndeshjes trajneri i Ulpianës, Edlir Tetova ka thënë se është ndjenjë e mirë për këtë fitore, duke marrë parasysh që e mposhtën Ballkanin.
“Ndjenjat janë shumë të mira si pas çdo fitore", tha fillimisht Edlir Tetova.
"Pjesa e parë ishte më e mirë për Ballkanin, por pjesa e dytë na takoi neve, ne kemi bërë vetëm dy ndeshje të dobëta".
"Ulpiana gjithmonë ka bërë ndeshje të mira por rezultatet nuk ishin të mira”, tha Tetova. /Telegrafi/
Top Lajme
Promo Reklamo këtu
Jobs
Deals
