Një tërmet i fuqishëm me magnitudë 5.3 ballë të shkallës Rihter goditi mbrëmjen e djeshme Greqinë, lëkundjet e së cilës u ndjenë edhe në disa qytete të Shqipërisë, Kosovë dhe Maqedoni të Veriut.
Sipas mediave greke, shkruan BalkanWeb, epiqendra e tërmetit ka qenë në Follorinë, ndërsa thellësia ishte 14.1 km.
Banorët janë tronditur së tepërmi nga tronditjet e forta, që sipas tyre zgjatën për sekonda të tëra.
Ata e kanë kaluar natën në makinë dhe në ambientet e jashtme, duke braktisur kështu nga frika banesat e tyre.
Mediat greke kanë publikuar edhe momentet teksa lëkundjet nisin të ndihen, ndërsa janë dokumentuar edhe dëmet. /bw/
