Turqia do të takohet sot me përfaqësuesen e Kosovës në kuadër të kualifikueseve për botërorin Rusia 2018.
Gjersa po numërohen orët e fundit para fillimit të ndeshjes, trajneri i kombëtares turke, Fatih Terim ka lënë anash prej skuadrës katër lojtarë.
Bëhet fjalë për Okay Yokuşlu (Trabzonspor), Çaglar Soyuncu (Freibug) , Enes Unal (Twente) dhe Bilal Başacıkoglu (Feyenord) nuk do të paraqiten kundër Kosovës, transmeton Telegrafi.
Unal, i cili luan së bashku me reprezentuesin kosovar, Bersant Celina aktualisht i prinë listës së golashënuesve të ligës elitare holandeze me tetë gola.
Bersant Celina duke festuar golin me Enes Unal në Twente
Megjithëse e ka ftuar në kombëtare Arda Turanin, Terim nuk dihet nëse do ta përfshijë në formacionin bazë.
Ndryshe, ndeshja do të zhvillohet në stadiumin e Antalyasporit me fillim në ora 18:00. /Telegrafi/
