Temperaturat polare, humbin jetën 12 persona në SHBA (Foto)

Temperaturat polare që kanë mbërritur në Shtetet e Bashkuara, ka bërë që 12 persona të humbin jetën dhe të anulohen mbi 2,600 fluturime pasi gjithçka pothuajse është ngrirë.

Dy persona kanë vdekur në Detroit, Michigan, ku temperaturat kanë rënë në mënyrë drastike nga e marta, kurse parashikuesit e motit kanë paralajmëruar se ato do të bien edhe më shumë në ditët në vazhdim, transmeton Telegrafi.

Policia ka gjetur trupin e pajetë të një burrë në një rrugë jo larg shtëpisë së tij në Detroit. Ai nuk kishte veshur kapelë, dorëza dhe thjesht nuk kishte veshur rroba të trasha që do ta ndihmonin t’i rezistojë temperaturave nën zero. Gjithashtu një burrë 70-vjeç është gjetur i vdekur në Detroit.

Ndërkaq studenti i universitetit të Iowas, Gerald Belz, 18-vjeç, është gjetur para ndërtesës së universitetit, por edhe pse e dërguan me urgjencë në spital aty është konstatuar vdekja e tij.

Vorbulla polare erdhi disa ditë pas stuhisë Jayden, që besohet të jetë shkaktare për vdekjen e 5 personave. Mediat amerikane raportojnë se një burrë 55-vjeç është gjetur i ngrirë dhe pa shenja jete në garazhin e shtëpisë në Milwaukee. Për fat të keq, të njëjtin fat e ka pasur edhe një 9-vjeçar në Iowa dhe një çift bashkëshortor që kishin ngecur brenda veturës në Indiana.

Zyrtarët lokalë kanë paralajmëruar se temperaturat vetëm sa do të ulen edhe më shumë në ditët në vazhdim, kurse parashikuesit e motit këshillojnë qytetarët të mos marrin frymë thellë derisa janë duke ecur nëpër rrugë, pasi që ajri i ftohtë mund t’ju shkaktoj probleme shëndetësore. /Telegrafi/