‘Do të vdesësh’: Skuadra e vdekjes e Maduros “merr në pyetje” një të paarmatosur, pak para vrasjes së tij

Policët elitë të Venezuelës dyshohet se ekzekutuan një të ri pas një marrje në pyetje të zjarrtë brenda shtëpisë së tij në një lagje të varfër në periferi të Caracas.

Sipas mediave të huaja, përcjell Telegrafi, para zbardhjes së ditës më 8 janar, 15 policë të maskuar u futën atje brenda shtëpisë së Jose Arevalo në Barrio Kennedy.

Siç thuhet tutje, e dashura 29-vjeçarit dhe dy fëmijët e saj u nxorën para se Arevalo të fillohej të pyetej nga një oficer: ‘Nëse bashkëpunoni, do të shkoni i lirë, përndryshe do të vdisni’.

Ndërsa Arevalo i është drejtuar duke u përgjëruar: ‘Vëlla, mos më vrit’.

Po sipas mediave të huaja, deklaratat e dëshmitarëve okularë kundërshtojnë raportin zyrtar të Forcës Speciale të Veprimit.

Ata pretendojnë se kanë qëlluar dhe vrarë pesë burra në një rrugicë, por pamjet tregojnë se të paktën njëri prej tyre, Arevalo, ishte “trajtuar” së pari brenda shtëpisë së tij.

Ndërsa pamjet thuhet se u regjistruan në minutat e fundit të jetës së Arevalo, i tha e dashura e tij Reuters.

Ajo tha se bëhej fjalë për rreth 15 oficerë me uniformë dhe një person të paidentifikuar me rroba civile. Ata e nxorën atë dhe fëmijët nga shtëpia.

I riu është ulur pa bluzë dhe i paarmatosur në një dhomë brenda shtëpisë së tij, nën marrjen në pyetje të policisë për një vjedhje makine aty pranë, duke u lutur oficerëve që të kursejnë jetën e tij.

Punëtori i dyqanit i cili ishte dënuar për grabitje pretendohet se kishte shmangur telashet juridike që nga ajo kohë.

Llogaria zyrtare e Policisë Kombëtare të Presidentit Nicolas Maduro pretendonte se një numër i oficerëve u përballën me zjarr nga sulmuesit.

Po sipas autoriteteve, ata qëlluan prapa, duke goditur pesë të rinj. Të pesë u dërguan në një spital, ku vdiqën nga plagët e tyre. /Telegrafi/